1ܣܵܒܵܒ ܕܐܵܗܵܐ ܐܵܢܵܐ ܦܵܘܠܘܿܣ؛ ܐܲܣܝܼܪܵܐ ܕܝܼܫܘܿܥ ܡܫܝܼܚܵܐ ܒܚܵܬܸܪ ܕܝܼܵܘܟܼܘܿܢ ܛܵܝܸܦܹ̈ܐ؛ 2ܐܸܢ ܫܡܸܥܠܵܘܟܼܘܿܢ ܡܕܲܒܪܵܢܘܼܬܼܵܐ ܕܫܵܦܵܩܲܬܹܗ ܕܐܲܠܵܗܵܐ ܕܦܸܫܠܵܗ̇ ܝܸܗܒܼܸܠܬܵܐ ܐܸܠܝܼ ܠܟܸܣܠܵܘܟܼܘܿܢ؛ 3ܕܵܐܟܼܝܼ ܕܒܓܸܠܝܵܢܵܐ ܦܸܫܠܹܗ ܡܘܼܕܸܥܝܵܐ ܐܸܠܝܼ ܣܸܪ؛ ܐܲܝܟܼ ܕܟܬܸܒܼܠܝܼ ܐܸܠܵܘܟܼܘܿܢ ܩܵܕ݇ܡܵܝܬܵܐ ܒܚܲܕَ ܩܵܕܸܪ؛ 4ܗܲܕܟܼܵܐ ܕܡܵܨܝܼܬܘܿܢ؛ ܟܲܕ ܩܵܪܝܼܬܘܿܢ؛ ܠܦܲܪܡܘܼܝܹܐ ܝܕܹܥܬܝܼ ܕܒܣܸܪܹܗ ܕܡܫܝܼܚܵܐ؛ 5ܗ̇ܘ ܕܒܕܵܘܪܹ̈ܐ ܐ݇ܚܹܪ݇ܢܹ̈ܐ ܠܵܐ ܦܸܫܠܹܗ ܡܘܼܕܸܥܝܵܐ ܠܒܢܲܝ̈ܢܵܫܵܐ؛ ܐܲܝܟܼ ܕܐܵܕܝܼܵܐ ܦܸܫܠܹܗ ܓܸܠܝܵܐ ܠܫܠܝܼܚܘܼ̈ܗܝ ܩܲܕܝܼܫܹ̈ܐ ܘܠܢܒܼܝܼܘܼ̈ܗܝ ܒܪܘܼܚܵܐ؛ 6ܕܗܵܘܝܼ ܛܵܝܸܦܹ̈ܐ ܝܵܪ̈ܘܿܬܹܐ ܥܲܡܹܗ؛ ܘܕܚܲܕَ ܦܲܓܼܪܵܐ؛ ܘܫܵܪ̈ܝܼܟܹܐ ܕܩܵܘܠܵܐ ܒܡܫܝܼܚܵܐ ܒܝܲܕ ܐܹܘܵܢܓܵܠܝܼܘܿܢ؛ 7ܗ̇ܝ ܕܐܵܢܵܐ ܗ݇ܘܹܠܝܼ ܚܸܠܡܲܬܟܵܪܘܼܗ̇؛ ܐܲܝܟܼ ܚܲܠܥܲܬ ܕܫܵܦܵܩܲܬܹܗ ܕܐܲܠܵܗܵܐ ܕܦܸܫܠܵܗ̇ ܝܘܼܗَܒܼܸܠܬܵܐ ܐܸܠܝܼ ܡ̣ܢ ܦܠܵܚܬܵܐ ܕܚܲܝܠܹܗ. 8ܐܸܠܝܼ. ܕܝܼܘܸܢ ܒܘܼܫ ܙܥܘܿܪܵܐ ܕܟܠܵܝܗܝ ܩܲܕܝܼܫܹ̈ܐ؛ ܦܸܫܠܵܗ̇ ܝܘܼܗَܒܼܸܠܬܵܐ ܐܵܗܵܐ ܫܵܦܵܩܲܬ؛ ܕܡܲܫܚܸܕܸܢ ܓܵܘ ܛܵܝܸܦܹ̈ܐ ܕܵܘܸܠܬܵܐ ܕܡܫܝܼܚܵܐ؛ ܗ̇ܝ ܕܠܹܐ ܦܵܝܫܵܐ ܨܘܼܚܨܝܼܬܵܐ؛ 9ܘܕܒܲܗ݇ܪܸܢܸܢ ܠܟܠ ܐ݇ܢܵܫܵܐ ܡܘܼܕܝܼ ܝَܠܵܗ̇ ܡܕܲܒܪܵܢܘܼܬܵܐ ܕܣܸܪ؛ ܗ̇ܘ ܕܝܼܗ݇ܘܵܐ ܟܘܼܣܝܵܐ ܡ̣ܢ ܥܵܠܡܝܼܢ ܒܐܲܠܵܗܵܐ ܕܒܪܹܠܹܗ ܟܠ؛ 10ܕܒܝܼܸܕ ܥܹܕܬܵܐ ܐܵܕܝܼܵܐ ܦܵܝܫܵܐ ܗ݇ܘܵܐ ܝܕܥܝܼܬܵܐ ܥܵܩܸܠܕܵܪܘܼܬܹܗ ܕܐܲܠܵܗܵܐ؛ ܡܠܝܼܬܵܐ ܬܵܗܵܪܹ̈ܐ؛ ܠܐܲܪ̈ܟܘܿܣ ܘܠܫܘܼܠܛܵܢܹ̈ܐ ܕܒ (ܕܘܼܟܵܢܹ̈ܐ) ܫܡܲܝܵܢܹ̈ܐ؛ 11ܐܲܝܟܼ ܪܫܵܡܬܵܐ ܩܵܕ݇ܡܵܝܬܵܐ ܕܡ̣ܢ ܥܵܠܡܝܼܢ؛ ܕܥܒܼܝܼܕܵܠܹܗ ܒܝܼܫܘܿܥ ܡܫܝܼܚܵܐ ܡܵܪܲܢ؛ 12ܗ̇ܘ ܕܒܝܼܹܗ ܐܝܼܬ ܠܲܢ ܒܸܣܬܵܝܘܼܬܵܐ ܘܩܘܼܪܒܸܢܝܘܼܬܵܐ ܒܚܵܬܸܪܓ̰ܲܡܥܘܼܬܵܐ ܒܝܼܸܕ ܗܲܝܡܵܢܘܼܬܹܗ. 13ܒܘܼܬ ܕܐܵܗܵܐ ܒܸܒܲܥܝܵܐ ܝܘܸܢ ܕܠܵܐ ܗܵܘܝܵܐ ܠܵܘܟܼܘܿܢ ܣܩܵܕܬܵܐ ܒܐܘܼܠܨܵܢܝܼ̈ ܕܒܚܵܬܸܪܵܘܟܼܘܿܢ؛ ܕܐܵܗܵܐ ܝܠܹܗ ܚܸܩܪܵܘܟܼܘܿܢ. 14ܣܵܒܵܒ ܕܐܵܗܵܐ ܡܲܟܘܼܦܹܐ ܝܘܸܢ ܒܘܼܪ̈ܟܵܟܝܼ ܠܟܸܣ ܒܵܒܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ 15ܗ̇ܘ ܕܡܸܢܹܗ ܦܝܵܫܵܐ ܝَܠܵܗ̇ ܡܘܼܬܸܒܼܬܵܐ ܫܸܡܵܐ ܟܠ ܐܲܒܼܵܗܘܼܬܵܐ ܕܒܫܡܲܝܵܐ ܘܒܲܐܪܥܵܐ؛ 16ܕܝܵܗ݇ܒܸܠ ܠܵܘܟܼܘܿܢ؛ ܐܲܝܟܼ ܕܵܘܸܠܬܵܐ ܕܚܸܩܪܹܗ؛ ܕܒܚܲܝܠܵܐ ܦܵܝܫܝܼܬܘܿܢ ܡܘܼܩܘܝܼܹܐ ܒܪܘܼܚܹܗ ܒܒܲܪܢܵܫܵܘܟܼܘܿܢ ܕܠܓܵܘܵܝܝܼ؛ 17ܕܥܵܡܸܪ ܡܫܝܼܚܵܐ ܒܠܸܒܵܘܵܬܵܘ̈ܟܼܘܿܢ ܒܝܲܕ ܗܲܝܡܵܢܘܼܬܵܐ؛ ܕܵܐܟܼܝܼ ܕܟܲܕ ܗܵܘܝܼ ܩܘܼܝܹܐ ܥܸܩܪܵܘܟܼܘܿܢ ܘܒܸܢܝܲܬܵܘܟܼܘܿܢ ܒܚܘܼܒܵܐ؛ 18ܡܵܨܝܼܬܘܿܢ ܠܸܡܛܵܝܵܐ ܥܲܡ ܟܠܵܝܗܝ ܩܲܕܝܼܫܹ̈ܐ ܡܘܼܕܝܼ ܝܠܹܗ ܪܵܘܡܵܐ ܘܥܘܼܡܩܵܐ ܘܝܘܼܪܟܼܘܼܬܵܐ ܘܦܸܬܝܘܼܬܵܐ؛ ܘܕܝܲܕܥܝܼܬܘܿܢ ܚܘܼܒܹܗ ܕܡܫܝܼܚܵܐ ܕܠܥܸܠܸܠ ܝܼܠܹܗ ܡ̣ܢ ܝܕܹܥܬܵܐ؛ ܕܦܵܝܫܝܼܬܘܿܢ ܡܸܠܝܹܐ ܒܟܠܵܗ̇ ܡܠܵܝܬܵܐ ܕܐܲܠܵܗܵܐ. 20ܐܝܼܢܵܐ ܠܗ̇ܘ ܕܡܵܨܹܐ ܒܒܘܼܫܵܝܝܼ ܙܵܘܕܵܐ ܡ̣ܢ ܟܠ ܠܸܥܒܼܵܕܵܐ؛ ܘܙܵܘܕܵܐ ܡ̣ܢ ܡܸܢܕܝܼ ܕܛܵܠܒܵܚ ܝܲܢ ܕܚܵܫܒܼܵܚ؛ ܐܲܝܟܼ ܚܲܝܠܹܗ ܕܦܝܵܫܵܐ ܝܠܹܗ ܦܠܝܼܚܵܐ ܒܝܼܸܢ؛ 21ܐܸܠܹܗ ܬܸܫܒܘܿܚܬܵܐ ܓܵܘ ܥܹܕܬܹܗ ܒܝܼܫܘܿܥ ܡܫܝܼܚܵܐ؛ ܒܟܠܵܝܗܝ ܕܵܘܪܹ̈ܐ ܠܥܵܠܲܡ ܥܵܠܡܝܼ̈ܢ؛ ܐܵܡܹܝܢ.